PLATTDEUTSCH
IM HERZEN VON WESTFALEN

Ne Hitte - dai kann kuiern

Wat dai kleine Mann te veriärwen hiät

Och Bennätzken, wann iek matt stiärwen,
iek heww´ di gar nix te veriärwen!
Diu woist, vui sind gaß kleine Luie
un hät mäns bläoß ne Küötterstuie!

Un diu bis ne Jungen, fluitig un fix,
aower vermaken kann iek di nix!
Män iek giewe di oinen guerren Raot.
Wann diu maol goihst imme Sunndagsstaot

un hiäst ne Inladung op Cibon
un suihst dao wat op me Diske staohn,
Junge, dann draffste niemaols vergiätten:
langsam iätten, ganz langsam iätten!

Un haoll di mäns liuter wacker dran!
Diu glöffst jao nit, wat me laoten kann,
wann reschappen wat op me Diske is
un et giet wat Leckeres „ümmetsüs!“


aus dem Buch: „Lach dich krank! Lach dich gesund!“