Dai schoine Planet

Vui Mesken sind nit mähr alloin -
dat kaste alle Dage saihn.
Vui könnt ues stellen ä de Apen
un iut me lesten Luocke japen.

Un wann ues dat äok nit gefällt:
Sind te viell Luie op der Welt!
Dat ies op Ären en Gewiemmel -
rundümme duister wärd de Hiemmel.

Gestank un Abgas in der Lucht -
de Kreatur ies op der Flucht!
Biu sall dat näomaol wichter gaohn?
Hiät uese Hiärguott sick verdaon?

Dat hälst uese Natiuer nit iut -
me könn et kruigen met der Wiut!
Nai - säo goiht dat nit wichter mähr
met ueser laiwen Mutter Är'!

Dai schoine herrliche Planet -
biu lange mäket hai dat met?
Un dat ies wisse allen klaor:
Dai ies nit bläoß füör Mesken dao!

aus dem Buch: „Gedichtkes - Land und Leute, gestern und heute“